Ամառային այս ճամբարը նպատակ ունի համախմբելու նրանց, ովքեր որ ցանկանում են ստեղծական տնօրինել իրենց արձակուրդային ազատ ժամանակը՝ հարստացնել ու ամրապնդել երևակայության, ստեղծականության փորձը, ընկերների հետ լինել, ձեռք բերել նոր ընկերներ, ճամփորդել:
Օրը սկսեցինք Սուրբ Երրորդություն եկեղեցու բակից՝ շուրջպարով ու հրաժեշտի գրկախառնություններով։
10:30 շարժվեցինք եկեղեցու բակից, ունեցանք մի քանի կանգառներ՝ Արփի, Գետափ, Զառիթափ գյուղերի մոտ և ճամբարականներին հանձնեցինք ընտանիքներին։ Շրջայց ունեցանք Արտավանի դպրոցում և գյուղում։ Ծանոթացանք Արտավանի միջնակարգ դպրոցի ուսուցիչների և ծնողների հետ։ Խոսեցինք փառատոնային և մանկավարժական աշխատողների ճամբարի մասին, ամփոփեցինք անցած շաբաթը։ Հայոց լեզվի և գրականության ուսուցիչը մեզ հրավիրեց իրենց տուն և համեղ կերակրեց, այնուհետև ոտքով շրջեցինք գյուղում և հրաժեշտ տվեցինք՝ հուլիսին հանդիպելու ակնկալիքով, քանի որ նախատեսում ենք 7օրյա ճամբար Արտավան գյուղում։
Դանիելյան Սյուզաննա 