Վարդավառը մեր ընտանիքում շատ սիրված ու սպասված տոն է։Մենք այն ոչ միայն ուրախ և խանդավառ տոն ենք ընդունում,այլ նաև կարևոր ենք համարում տոնի եկեղեցական խորհուրդը։
https://hy.m.wikipedia.org/wiki/%D5%8E%D5%A1%D6%80%D5%A4%D5%A1%D5%BE%D5%A1%D5%BC
Month: Июль 2021
Կամավորական աշխատանք
Կամավորական աշխատանք. օր առաջին
Կամավորական աշխատանք. օր երկրորդ
Կամավորական աշխատանք. օր երրորդ
Կամավորական աշխատանք. օր չորրորդ
Կամավորական աշխատանք
Օր չորրորդ(09.07.2021)
Այսօր ճամբարային շաբաթի ամփոփումն էր։Լողափը լի էր երեխաների ջերմությամբ,երգով ու պարով։Երեխաների մոտ նախատոնական տրամադրություն էր՝Վարդավառի ծեսը ժամանակից շուտ էր այցելել մեզ:https://hy.m.wikipedia.org/wiki/%D5%8E%D5%A1%D6%80%D5%A4%D5%A1%D5%BE%D5%A1%D5%BC
Կամավորական աշխատանք
Օր երրորդ(08.06.2021)
Ամեն բացվող օր իր հետ բերում է նորություն՝նոր զգացողություններ,նոր ծանոթություններ։Արդեն երրորդ օրն է իմ կամավոր աշխատանքի.այնքա՜ն սիրով ու ջերմությամբ լի օրեր։Առավոտս սկսեցի ոգևորված,ուժով ու եռանդով լի։Հարավի ճամբարականների համար նույնպես հետաքրքիր ու անմոռանալի են այս ամառային ու տարբերվող օրերը։Նրանք վայելում են ջուրը,մաքուր օդը,արևը։Նրանք երջանիկ են,ես դա տեսնում եմ իրենց անմեղ աչուկներում։
Կամավորական աշխատանք
Օր երկրորդ(07.07.2021)
Այս օրը ևս բոլոր օրերից տարբերվող էր,որովհետև առավոտս սկսեցի հարավի ճամբարականների հետ.քայլքով շարժվեցինք դեպի ագարակ։Երբ ճանապարհին երեխաները տրտնջում էին հոգնածությունից,ընկեր Լենան ջանասիրաբար հասկացնում էր,որ քայլելը ինքնանպատակ չէ,այն առողջ ապրելակերպի բաղկացուցիչ մասն է։ Ագարակում մի մեծ իրարանցում սկսվեց,բոլորն ուզում էին ձիավարել։Այնքան բարություն կար ձիուկների մեջ,որ երեխաները անմիջապես զգում են դա և առանց վախի մոտենում են նրանց ,սիրում և բարձրանում թամբին։Ձիավարելուց հետո շրջեցինք ագարակով,մեզ զգացինք գյուղական միջավայրում,տեսանք հավերին,բադեդին,շներին։Յուրաքանչյուր կենդանի ունի իրեն բնորոշ գիծ,այս այցի նպատակը դաստիարակչական էր՝երեխաները ամեն այցի արդյունքում յուրովի են բացահայտում կենդանիներին։Մշտական այցերի շնորհիվ կենդանիները նույնպես մտերմանում են երեխաների հետ և, նրանց տեսնելով ,անմիջապես արտահայտում են իրենց ուրախությունը՝կարծես իրենց վաղեմի բարեկամին են տեսել։Վերադառնալով դպրոց՝ երեխաները նախաճաշեցին,զգեստափոխվեցին և մտան լողավազան։Ի՞նչ է պետք երեխաներին երջանիկ լինելու համար.արև և ջուր։Ջրից դուրս եկան լիցքաթափված և սովածացած,ճաշեցին ,խաղացին ու սպասեցին իրենց տուն գնալու հերթին։Ամեն նոր օրը բերում է այն գիտակցմանը,որ երեխաները ամենակարևորն են մեր կյանքում։Ամեն օր յուրովի եմ բացահայտում նրանց ,սկսում ավելի շատ ճանաչել և սիրել։
Կամավորական աշխատանք
Օր առաջին(06.07.2021). Այսօր ինձ քայլերս ուղղեցին դեպի հարավային դպրոց՝ինձ շատ հարազատ մի վայր։Գնացի այն պահին,երբ բոլորը ինքնամոռաց լողում էին։Լողալուց և մի լավ արևայրուք ընդունելուց հետո ժամանակն էր ճաշելու։Դրսում՝մաքուր օդին,երեխաները ճաշեցին։Ճաշից հետո հերթը ֆիլմի դիտմանն էր:Դիտեցին,խաղացին,հեծանիվ վարեցին,ինքնագլոր քշեցին,վազվզեցին,մինչև որ եկավ տուն գնալու ժամանակը:
«Մուտք կրթահամալիր» մանկավարժական ճամբարի ամփոփում
Օր հինգերորդ,հուլիսի 2
Առավոտը սկսվեց սովորականից ավելի վաղ, քանի որ այսօր հույզերն ու զգացմունքները խառնվել էին. չգիտեմ շատ ուրախ էի, որ հայտնվել էի ճիշտ ժամանակին ճիշտ վայրում, թե տխուր էի, որ այս լիաժեք օրերը ավարտվում էին: Այս հինգ օրերը այնքան լեցուն և տարբերվող էին,որ տպավորություններս անփոխարինելի են:
Օրը սկսեցինք սբ. Երրորդություն եկեղեցուց՝ ժամերգությամբ,ապա քայլեցինք Մայր դպրոց: Հերթը հեծանվավարությանն էր: Մի պահ, կարծես, մտովի տեղափոխվեցի մանկություն, երբ հեծանիվով վերուվար էի անում: Հեծանվավարությունից հետո հանդիպում ունեցանք Մարիետ Սիմոնյանի հետ, քննարկեցինք Ուսուցման, դասավանդման և դասավանդում սովորեցնելու մասին: Ջորջ Պոյա հոդվածը: Կատարեցինք ստեղծագործության վերլուծություն և մեր սուբյեկտիվ կարծիքը հայտնեցինք Ֆ. Կաֆկայի «Կամուրջը» ստեղծագործության վերաբերյալ: Ընդմիջումից հետո սկսեցինք փառատոնային պարերի փորձը: Պարից հետո մեզ սպասվում էր ասուլիս տիար Բլեյանի հետ, որին ուղեցինք մեր հարցերը և ստացանք մեզ հուզող հարցերի պատասխանները: Հանդիպումից հետո ճամբարականներս տիար Բլեյանի հետ քայլքով գնացինք Մայր դպրոց, ճանապարհին ունեցանք շատ հետաքրքիր զրույց: Հասնելով Մայր դպրոց՝ շտապեցինք մարմարյա սրահ, քանի որ այսօր այս հինգ հագեցած օրերը պետք է եզրափակեինք մեդիա ուրբաթ համերգով: Բոլորս ցնծության մեջ էինք: Ավարտվեց այս շրջափուլը, որը կյանքի մի ուրիշ փուլի սկիզբ եմ համարում:
Ֆրանց Կաֆկա:Կամուրջը
Ես սառն էի և ամուր էի, ես կամուրջ էի, ես պառկած էի անդնդի վրա: Այս կողմում ոտքերիս մատները մտան հողի մեջ, իսկ այն կողմում՝ ձեռքերս: Ես ատամներս խրեցի կավահողի մեջ: Իմ սերթուկի փեշերը ճոճվում են կողքից: Ներքևում աղմկում է առվակը, որի մեջ կան կարմրախայտեր: Ոչ մի ճանապարհորդ չի մագլցել այս բարձունքը, կամուրջը դեռ նշված չէ քարտեզների վրա: Ամեն կամուրջ քանի դեռ չի փլվել, եթե այն կառուցված է, չի դադարում կամուրջ լինելուց:
Читать далееՈւսուցման, դասավանդման և դասավանդում սովորեցնելու մասին։ Ջորջ Պոյա
Գրագետ և բանիմաց մասնագետ լինելուց առաջ՝ մանկավարժը նախ պետք է աշակերտի համար լինի լավ հոգեբան։
Դասը ստացված լինելու համար անհրաժեշտ է նախքան դասարան մտնելը պլանավորել և կազմակերպել դասը։ Պիտի այնքան հետաքրքիր և մոտիվացնող լինի դասը, որ երեխաները անմիջապես ներգրավվեն դասի մեջ։Ուսուցիչը իր առաջ նպատակ դնելով՝ պետք է աշակերտին մղի դեպի մտածողություն և ընդլայնի նրա մտահորիզոնը:
Մաթեմատիկան մտածողության լավագույն խթանն է համարվում։ Անկարելի է Մաթեմատիկան միայն առարկա համարելը, որովհետև այն հնարավորություն է տալիս լավագուն լուծումները գտնել տարբեր իրավիճակներում։
Ուսուցիչը նախ պետքը իր տված նյութով և օրինակներով իր համար հետաքրքիր լինի, որպեսզի վստահ լինի, որ աշակերտները չեն ձանձրանա և չեն անտեսի տվյալ առարկան։ Դրա համար անհրաժեշտ է տվյալ առարկայի մեջ գտնել նորանոր հետաքրքրություններ և մասնագիտանալ։ Անգամ աշակերտի սխալ կարծիքը պետք է ոսուցչի համար կարևոր և հետաքրքիր լինի, որպեսզի կարծիք արտահայտելուց երեխաները չկաշկանդվեն։
Դասավանդման միջոցով հնարավոր է բոլոր առարկաների մեջ գտնել ընդհանուր հետաքրքիր փաստեր,և առարկայական կապի միջոցով մեծացնել աշակերտի մտածողության սահմանները։
«Մուտք կրթահամալիր» մանկավարժական ճամբար
Օր չորրորդ,հուլիսի 1
Մարդը չպետք է մոռանա,որ ինքը բնության մի մասն է,պետք է բնությունը պահել ու պահպանել,խնամել:Գիտակցելով այդ ամենը,մենք ամեն օր հաճույքով շտապում ենք Սարալանջ:Պարտիզապուրակային աշխատանքներից հետո հերթը արվեստինն է:Այսօր ներկեցինք կախազարդերը,հաջորդ փուլը թրծումն է:Այնուհետև հանդիպեցինք Հերմինե Անտոնյանի հետ,խոսեցինք բլոգավարությունից,մեր բլոգների թերություններից:Ընդմիջումից հետո,թարմացած ու լիցքավորված,հանդիպեցինք Լաերտ Գրիգորյանի հետ,ով մեզ սովորեցրեց Լուտքի՝որպես անեծքի պարը:Նաև վերհիշեցինք մյուս բոլոր պարերը,որպեսզի վաղը պատշաճ ներկայանանք Մեդիա ուրբաթին:
Այսօր մի փոքր անհամբեր էի,որովհետև առաջին անգամ ագարակ պիտի գնայի:Բալիկներս այնքան էին պատմել ագարակի մասին,որ ինձ շատ հետաքրքիր էր գտնվել այնտեղ:Շրջեցինք ագարակով,ձիերի խնամքով զբաղվեցինք ու մեր օրը այս կետում ավարտեցինք:Մինչ նոր հանդիպում…
Դանիելյան Սյուզաննա 