Հուլիսի 24-ից ղեկավարում եմ Հարավային դպրոց-պարտեզի ամառային լողափնյա ճամբարը, որին մասնակցում են տարատարիք սեբաստացի սովորողներ և սովորողներ այլ դպրոցներից։
Փորձում ենք մեր օրը կազմակերպել հետաքրքիր՝ սեբաստացիական ոճով և եռանդով, ակտիվությամբ ու տրամադրությամբ։
Արդեն հասցրել եմ ճանաչել ճամբարականներիս անհատապես։ Ամեն օր մեր ջոկատը համալրվում է նոր ճամբարականներով։
Առավոտյան ճամբարականների հաշվառմանը հաջորդում է լողավազանի բացումը։ Ճամբարականները ինքնուրույն կարողանում են միասնական բացել եւ ծալել ծածկը, ստուգել ջրի ջերմաստիճանը և մաքրությունը։
Այնուհետև միասին ընդհանուր պարապմունք ենք անում և նախավարժանք։
Տարածքի մաքրման աշխատանքները, ծաղիկների խնամքն ու ջրումը ևս ճամբարականների սիրելի զբաղմունքներից են։
Ամառային ճամբարը նպատակ ունի համախմբելու նրանց, ովքեր ցանկանում են ստեղծագործել, իրենց արձակուրդային ազատ ժամանակը հարստացնել, ամրապնդել երևակայության, ստեղծականության փորձը, ընկերների հետ լինել, ձեռք բերել նոր ընկերներ, ճամփորդել:
Ճամբարականների մոտ զարգացնել աշխատասիրությունը, նպատակասլացությունը, ինքնուրույնությունը, հնարամտությունը, հետազոտելու, վերլուծելու, ընդհանրացնելու, դատողություններ անելու, կոնկրետ իրավիճակներում արագ կողմնորոշվելու կարողությունները…
09:00-09:20-Ճամբարականներիողջունումևհաշվառում 09:25-10:10—Առավոտյաննախավարժանք 10:15-11:10-Հեծանվավարություն, ինքնագլոր 11:10-11:30- Նախաճաշ 11:30-12:30- Լող 12:30-13:30- Գլաքարերի վրա նկարչություն 13:30-14:40- Խոհանոցային գործունեություն՝ պատրաստում ենք ձմերուկովկոնֆետներ 14:40-15:00 —Ճաշ 15:00-16:00- Ընթերցանություն/ արտ․դասականգրողներ/ Ռոդարի 16:00-16:30- Ճամբարականտարածքիմաքրում 16:00-17:00- Ճամբարականներիտունճանապարհում։
01.09.2023թԵրեքշաբթի
09:00-09:20-Ճամբարականներիողջունումևհաշվառում 09:40-10:40- Այց Մայր դպրոցի բրուտանոց 10:40-11:10- Նախաճաշ 11:10-12:50- ջրային խաղեր 13:00-13։50— Լող 14:00-14:30-Ճաշ 14։40-15։30-ընթերցանություն՝թումանյանական«Տերն ու ծառան » հեքիաթիընթերցում 15։35։16:30- «Տերն ու ծառան» ֆիլմի դիտում քննարկում, համեմատում ֆիլմի հետ 16:00-17:00-Տարածքիմաքրում, ճամբարականներիտունճանապարհում։
02.09.2023թ Չորեքշաբթի
09:00-09:20-Ճամբարականներիողջունում և հաշվառում 09:30-11։00- Լող 11։00-11:30-Նախաճաշ 12:20-13:20- Կոմիտասյաներգեր, ազգային պարուսուցում 11:30-13։30-Աթոռներիներկում 13:30-14:30- Լող 14:30-15:00-Ճաշ 15:00-16:00- Երկրագործականաշխատանք 16:00-17:00- Ճամբարականների տուն ճանապարհում
Ողջու՜յն։ Անցավ մեր ճամբարային հագեցած օրերից ևս մեկը։ Այսօր քայլքով ուղևորվեցինք դեպի Մայր դպրոց՝ ինժեներական ատեղծագործության լաբորատորիա։ Հետո եկանք դպրոց, բոլորս ճանապարհից լավ սովածացել էինք, ճաշեցինք ու Մարիամ Մնացականյանի հետ սովորեցինք վաղվա ծիսական հարսանիքի պարերգերը։ Քանի որ օրը նախատոնական է, սկսեցինք պատրաստել հարսանիքի հյուրերի համար մի փոքր հյուրասիրություն՝ ոսպով ծրարներ։ Բոլոր ճամբարականները շատ ոգևորված ու հավեսով մասնակցեցին պատրաստման գործընթացին։ Վերջացրեցինք մեր գործը, կարգի բերեցինք սենյակը և շտապեցինք զովանալու։ Մի լավ լողալուց և արևայրուք ընդունելուց հետո, դուրս եկանք ու գնացինք ճաշելու, որից հետո սկսեցինք ուսումնասիրել կենդանիների մասին գրքեր՝ թերթեցինք, կարդացինք, քննարկեցինք։ Ահա և մեր ամառային լուսավոր օրերից մեկը։ Շարունակելի…
Առավոտյան բոլորս շտապում էինք դպրոց, չէ՞որ գնալու էինք Ուսումնական ագարակ։ Ճանապարհը հաղթահարեցինք ոտքով, ուրախ ու բարձր տրամադրությամբ։ Ձիավարեցինք, կերակրեցինք ձիերին, շրջեցինք ագարակում, տպավորված վերադարձանք դպրոց: Ճաշեցինք ու մտանք լողավազան։ Լողավազանում ընկեր Լյովայի հետ իրականացրեցինք «լողացող թվեր» հետաքրքիր խաղ-լողը, դուրս գալուց հետո փորձեցին լուծել նաև լուցկիներով գլուխկոտրուկները։ Այսօր կատարեցինք նաև մի շարք բնագիտական փորձեր, ֆիլմ դիտեցինք ու պատրաստվեցինք տուն գնալուն։
Շատ լավ ու հագեցած օր ենք ունեցել։ Առավոտյան գնացել ենք Խեցեգործության դպրոց, կավով աշխատել ենք, ընկեր Մարատն ու ընկեր Թագուհին ծանոթացրել են տարբեր նրբությունների հետ։ Հետ ենք վերադարձել, նախաճաշել ենք, և մտել լողավազան՝ վայելելու օրվա ամենահետաքրքիր ակնթարթները։ Հետո հաշվել ենք բոլոր մրգերը, միասին լվացել ու նախապատրաստել, որ ամենաքաղցր աղցանը պատրաստենք։ Կտրատեցինք, խառնեցինք ու վայելեցինք դրսում՝ ծիրանի ծառի ներկայությամբ։ Այնուհետև եկանք ներս, մի մասը խաղեր խաղացին, մյուս մասը մուլտֆիլմ դիտեցին, հետո կարգի բերեցինք մեր սենյակը ու պատրաստվեցինք տուն գնալուն։ Վաղը մեզ սպասվում է էլ ավելի հետաքրքիր ու գունեղ օր։ Շարունակելի…
Օրը սկսեցինք ընդհանուր պարապմունքով, ուրախ երգ ու պարով։ Այնուհետև անցանք գործի, տեխնոլոգ Մարիամ Մարտիրոսյանի հետ պատրաստեցինք Մենուայի և Արփիի ծիսական հարսանիքի տարոսիկները։ Արդեն անհամբեր նախաճաշին էին սպասում, լողափում լողազգեստներով համեղ նախաճաշեցինք, ու սկսեցին լողալ ու վայելել արևի ջերմությունը։ Լողալուց հետո մի փոքր խաղացինք դրսում։ Հետո տարբեր սեղանի խաղեր խաղացինք, մուլտֆիլմ դիտեցինք, տարբեր տրամաբանական խնդիրներ լուծեցինք։ Շատ կարևոր է նաև շրջակա միջավայրի մասին հոգ տանելը, այդ պատճառով հավաքեցինք բակի աղբը ու եկանք լվացվեցինք ու ճաշեցինք, չէ որ ահագին աշխատել էինք։ Ճաշելուց հետո դուրս եկանք բակ՝ բակային խաղեր խաղացինք, վերադարձանք, դասասենյակը կարգի բերեցինք ու պատրաստվեցինք տուն գնալուն։ Ինձ այսօր և մոտակա շաբաթը կօգնի մեր կամավոր աշխատողը՝ Գայանե Խաչատրյանը։
Ամառային այս ճամբարը նպատակ ունի համախմբելու նրանց, ովքեր որ ցանկանում են ստեղծական տնօրինել իրենց արձակուրդային ազատ ժամանակը՝ հարստացնել ու ամրապնդել երևակայության, ստեղծականության փորձը, ընկերների հետ լինել, ձեռք բերել նոր ընկերներ, ճամփորդել: