Մարմնամարզության առարկայի ծրագիր

Դասընթացը՝ Մարմնամարզություն

Ժամկետը՝ շուրջտարյա

Մասնակիցներ՝ 4.1, 4.2, 4.3 դասարաններ

Նպատակը՝ «Մխիթար Սեբաստացի» կրթահամալիրում ֆիզիկական դաստիարակության հիմնական նպատակը ֆիզիկապես առողջ, համակողմանի զարգացած, առողջ ապրելակերպի կանոններին տիրապետող մարդ ձեւավորելն է: 

Խնդիրները՝

1.Սովորողների առողջության ամրապնդում եւ ճիշտ կեցվածքի ձեւավորում

2.Շարժողական ընդունակությունների /արագաշարժություն, ուժ, դիմնացկունություն, ճկունություն/ մշակում

3. Տեսական գիտելիքների ձեռք բերում

4.Սովորողների մեջ՝պատասխանատվություն, ընկերասիրություն, փոխօգնություն եւայլ հատկանիշների դաստիարակում 5.Առողջ ապրելակերպի պահպանումը եւ վնասակար սովորություններից խուսափելը:

6.Ֆիզիկական վարժություններով պարբերաբար պարապելու պահանջմունքի դաստիրակում

Ընդհանուր տեղեկություններ մարմնակրթության եւ սպորտի, նրա նշանակության վերաբերյալ: Կոփման կանոնները եւ նշանակությունը: Դասերի ժամանակ անվտանգության կանոնների պահպանումը: Տեղեկություններ օլիմպիական խաղերի եւ շարժման վերաբերյալ: Տեղեկություններ անվանի եւ ազատամարտիկ մարզիկների մասին: Առաջին բուժօգնությունը վնասվածքների դեպքում: Հոգնածության կանխարգելման միջոցները: Արդարացի խաղի նշանակությունը: Որպես կանոն սովորողները մարմնակրթության դասերին պետք է մասնակցեն մազահագուստով եւ մարզակոշիկներով: Դահլիճներում պետք է պահպանել սանիտարահիգենիկ պահանջները եւ անվտանգության կանոնները: Ֆիզիկական դաստիարակության գործընթացի արդյունավետությունը ուսումնասիրելու եւ զարգացման արդյունքները գնահատելու համար ուսումնական տարվա սկզբին, առաջին կիսամյակի եւ երկրորդ կիսամյակի վերջում, պետք է անցկացնել ստուգատեսներ: Մարզիչը պետք է ունենա սուլիչ, կարողանա հրահանգները տալ պարզ եւ արտահայտիչ:

4-րդ դասարան

• Գիտելիքների հիմունքներ 6-ժամ Դպրոցականի սնունդը եւ ռեժիմը, վնասակար սովորությունների կործանարար ներգործությունը օրգանիզմի վրա 
• Պատկերացում օլիմպիական խաղերի մասին, հայերի մասնակցությունը: 

• Ֆիզիկական վարժությունների ազդեցությունը առողջության ամրապնդման վրա: Անվտանգության կանոնների պահպանումը մարզասրահում
• Մարմնամարզական վարժություններ, շարային վարժություններ 24-ժամ 
• Շարում տողանով տալ հրահանգներ «Շարվե~լ, հավսա ~ր, զգա’ստ, քայլով մա’րշ, կա~նգ առ», շարափոխումներ միասյուն շարքից երկսյուն, եռասյուն, քառասյուն, բացազատվել եւ խտանալ տեղում, շարային քայլք, քայլք «Անկյունագծով, հակընթաց, օձաձեւ», հաշվել՝ «Կարգով, առաջին-երկրորդ, մեկից մինչեւ վերջ»: 
• Դարձումներ աջ, ձախ, ետ: Ընդհանուր զարգացնող վարժություններ
• Ընդհանուր զարգացնող վարժություններ ձեռքերի, ոտքերի, իրանի տարբեր դրությունների համակցումներ:Սսել մարմնաի վերին վերջույթներից ավարտել ստորին վերջույթներով: 
• Կատարել ոտքերի թափային շարժումների, ոստյունների, կքանիստերի եւ դարձումների համակցումներ, տեղում եւ շարժման մեջ: 
• Կատարել ընդհանուր զարգացնող վարժություններ զուգերով,օրինակ՝ «Վերմակ -Դոշակ»: Վարժություններ մեծ եւ լցված գնդակներով եւ տարբեր առարկաներով, կատարել զույգերով, եռյակներով, նստած գորգին, կամ
  ներքնակին: 
• Կեցվածքի ձեւավորմանվարժություններ—կանգնած,պառկած, չորեքթաթ դիրքերից, /կանգնել պատի մոտ կպնել նրան, գլխով, թիակներով, ուսերով, նստատեղով եւ կրունկներով, ձեռքերը դնել պարանոցին, արմունկները կողմ, բարձրանալ ոտնաթաթերին եւ իջնել: Դիրքը պահելով կատարել ոտքի ծալում վեր, կրկնել մյուս ոտքով: Կանգնել դեմքով պատը ձեռքերը վեր ափերը պատին կպած, կատարել ոտքով թափեր դեպի ետ: 
• Պետք է մեծ ուշադրություն դարձնել աչքերի խնամքին, քանի որ համակարգչին նայելիս դրանք հոգնում են: 
• Կատարում ենք հետեւյալ վարժությունները ամեն մեկը 4-ից 6 անգամ: Կանգնել հանգիստ, ձեռքերը գոտկատեղին կատարում ենք գլխի թեքումներ եւ պտույտներ, կարելի է կատարել փակ աչքերով: Հանգիստ դիրքից կարելի աչքերի պտույտներ կատարել ժամացույցի սլաքի ուղղությամբ եւ հակառակը, առանց գլուխը շարժելու նայել վերեւ, ներքեւ, աջ, ձախ: 
• Հարթաթաթության կանխարգելման վարժություններ—քայլելոտնաթաթերին, կրունկներին, ներբաններին, գետնին դրված պարանի վրայով, կքանստած հատկապես արդյունավետ է, եթե քայլում էս ոտաբոբիկ: 
• Շնչառական վարժություններ — Ֆիզիկական վարժություններ կատարելիս շատ կարեւոր է ճիշտ շնչելը, երբեք չպահել շնչառությունը, խորը շնչել եւ արտաշնչել Մագլցման վարժություններ — մագլցում, սողանցում թեք տեղադրված մարզանստարանի վրայով ծնկած,փորի վրա պառկած: Մագլցում մարզապատի վրայով, անցում մյուս մարզապատին, պարանամագլցում մինչեւ 2.5-3մ.: հենացատկեր լայնակի տեղադրված այծի վրա ձեռքերի օգնությամբ: Գլուխկոնծի առաջ, ետ, երկու- երեք գլուկոնծի առաջ, ետ: Կանգ թիակների վրա:
• Հավասարակշռության վարժություններ — քայք մարզագերանի, մարզանստարանի վրայով, ձեռքերի տարբեր դիրքերով, գլխին որեւէ առարկա դրած: 
• Ռիթմիկ մարմնամարզական եւ պարային վարժություններ, հայկական ազգային պարեր— կատարել երաժշտության ուղեկցությամբ, քայքեր, թեթեւ վազքեր, դոփյուններ, ցատկեր, կից քայլերով, կքանստած, ձեռքերի տարբեր դիրքերով, ծափեր,կքանիստեր, դարձումներ: 
• Կախեր եւ հենումներ — հենումներ մարզանստարանին, մարզագերանին կախեր մարզապատից, պտտափողից, կախ ծալված, արտակորված: Կախ դրությունում ոտքերի բարձրացում եւ իջեցում, ծնկային հոդը ուղիղ: Ձգումներ կախ դրությունից: 
• Աթլետիկական վարժություններ—16ժամ 
• Վազք-վազք բարձր մեկնարկից տալով «Մեկնարկի» «Ուշադրություն» «Մարշ» հրամանները, մարզիկը վազում է 20-30 մետր: Վազք միջին եւ մեծ քայլերով, վազք արագացումով, հաղթահարելով արգելքներ: Վազք տարբեր տեմպերով, արագացումով մինչեւ 40 մետր, վազք 50 մետր արդյունքի գրանցումով, մաքոքավազք/2անգամ10մ./, կրոս մինչեւ 1500մ.: Ցատկեր
• ցատկապարանով, զույգ, աջ, ձախ ոտքերով, տեղում, ընթացքից: Հեռացատկ տեղից, 4-6 քայլով թափավազքով: Գնդակի նետումներ, փոքր գնդակի նետում նպատակին, նետում 10-12մետր,հեռավորությունից հորիզոնական եւ ուղղահայաց, նետում հեռավորությունից թափավազքով: Լցրած գնդակի նետում երկու ձեռքով / 1 կգ/, աջ եւ ձախ ձեռքով: Ընդհանուր զարգացնող վարժությունների ժամանակ կարեւոր է պահպանել վարժություն ներիհերթականությունը, պետք է սկսել մարմնի վերին հատվածներից եւ ավարտել ստորին հատվածներով ժամանակ
• առ ժամանակ կատարել շնչառական վարժություններ: Դասվարը պետք է օգտագործի իր անսպառ երեւակայությունը, որպեսզի դասը ուրախ եւ աշխույժ անցնի:
• Մարզախաղեր, բասկետբոլ, վոլեյբոլ, հանդբոլ, ֆուտբոլ — 52

Sponsored