Հուլիսի 24-ից ղեկավարում եմ Հարավային դպրոց-պարտեզի ամառային լողափնյա ճամբարը, որին մասնակցում են տարատարիք սեբաստացի սովորողներ և սովորողներ այլ դպրոցներից։
Փորձում ենք մեր օրը կազմակերպել հետաքրքիր՝ սեբաստացիական ոճով և եռանդով, ակտիվությամբ ու տրամադրությամբ։
Արդեն հասցրել եմ ճանաչել ճամբարականներիս անհատապես։ Ամեն օր մեր ջոկատը համալրվում է նոր ճամբարականներով։
Առավոտյան ճամբարականների հաշվառմանը հաջորդում է լողավազանի բացումը։ Ճամբարականները ինքնուրույն կարողանում են միասնական բացել եւ ծալել ծածկը, ստուգել ջրի ջերմաստիճանը և մաքրությունը։
Այնուհետև միասին ընդհանուր պարապմունք ենք անում և նախավարժանք։
Տարածքի մաքրման աշխատանքները, ծաղիկների խնամքն ու ջրումը ևս ճամբարականների սիրելի զբաղմունքներից են։
Որքան էլ որ բազմազան լինեն գործունեության կազմակերպման ձևերը, առանց լողի և հեծանվավարության դժվար է պատկերացնել ամառային լողափնյա ճամբարը։ Հետեւաբար շատ են ջրային խաղերն ու չփչփոցը։
Այս մեկ շաբաթվա ընթացքում եղել ենք Ուսումնական ագարակում, խեցեգործության սրահում, թխել ենք, աղցան և համեղ դոնդող պատրաստել։
Ֆեսբուքյան հրապարակումները ստորև՝
Զբաղվում ենք այլընտրանքային նկարչությամբ
Դանիելյան Սյուզաննա 